Ayni paytda Qoraqalpog‘iston Respublikasi hududida internet tizimidagi texnik nosozliklar sababli abituriyentlar tomonidan hujjatlarni onlayn tarzda topshirishda muammolar yuzaga kelmoqda.
Qoraqalpog‘istonlik abituriyentlar va ularning ota-onalari murojaatlarini inobatga olgan holda, qoraqalpog‘istonlik abituriyentlarni ro‘yxatga olish muddatini uzaytirish bo‘yicha takliflar tayyorlandi.
Bu masala yaqin vaqt ichida ijobiy hal etilishi kutilmoqda. Qoraqalpog‘istonlik abituriyentlar va ularning ota-onalari bu haqda SMS xabarlar va hududiy telekanallar orqali qo‘shimcha ravishda xabardor qilinadi.