Hamma uchun oddiy va kundalik hayotimizning ajralmas qismiga aylangan internet tarmog‘i butun dunyoda ommalashib kundan-kunga rivojlanib bormoqda. Hozir yetti yoshdan yetmish yoshgacha barchaning qo‘lida hech qanday qiyinchiliksiz internet tarmog‘iga ulangan mobil telefonlar mavjud. Dunyo yoshlari bugun internet tarmog‘i orqali yangidan-yangi imkoniyatlar va yengilliklar uchun foydalanadi. Nafaqat dunyo, balki o‘zimizning yoshlar aniqrog‘i talaba yoshlarimiz ham online hayotda birdek faollikni qo‘ldan boy bermayapti. Biz ularning yumushlarni yanada osonlashtirish va sifatliroq qilishga ko‘maklashish uchun bir-biridan foydali bo‘ladigan sayt va ilovalar to‘plamini tuzib chiqdik.
Microsoft OneNote – Qulay kunlik va ish jadvallarini tayyorlash
Microsoft OneNote – sayti qaydlar va shaxsiy ishlarni tartibga solish uchun mashhur dasturlardan biri. Dastur o‘qish uchun juda yaxshi, chunki darslar, kurs ishlari, eng yaxshi testlar uchun rejalar tuzish tez va oson amalga oshiriladi. https://www.onenote.com/?public=1&wdorigin=ondcauth2&wdorigin=ondc
Duolingo – Individual tarzda, bepul, C1 darajagacha ko’tarilish uchun platforma
Bugungi kunda 9.6 million aktiv foydalanuvchilarga ega eng mashhur va keng qoʻllaniladigan ilova hisoblanadi. Chet tillarini samarali o‘rganish va savod chiqarish uchun eng qulay va foydali ilovalardan biri. https://ru.duolingo.com/ Ilovani play market va app storedan yuklab olishingiz mumkin.
Ilovaning afzalliklari:
- Bepul;
- Barcha darajadagi oʻrganuvchilar: beginner, intermediate, advanced foydalanish imkoniyatiga ega
- Mashqlar turli xil mavzularga moslab chiqilgan
- Oʻqish, yozish, gapirish, tinglash – barchasi uchun mashqlar mavjud
- Kunning istalgan vaqtida istalgan muddat foydalanish mumkin
- Har bir bajarilgan mashqdan soʻng harakatlanuvchi odamcha shaklidagi animatsiyalar foydalanuvchiga oʻziga xos emotsiya beradi. Masalan mashqlarni yaxshi bajarsangiz animatsion odamchalar harakatlanib sizga tabassum qiladi va zoʻr deb ishora koʻrsatadi
Har safar sizga notanish boʻlgan soʻzlarni turli ranglarda ajratib koʻrsatadi, bu esa foydalanuvchiga aynan qaysi soʻz yangi ekanligini osongina bilib olishiga yordam beradi.
Ziyonet – Qulay elektron kutubxona
Ziyonet orqali talabalar osongina kitoblarning elektron shaklini topishi mumkin. Bu ularga anchayin qulayliklar va vazifani yengillashtirishga ko‘maklashadi. Saytdan hoziroq foydalanib ko‘ring. Ziyonet ta’lim portali (ziyonet.uz)
Grantlar.uz – Dunyo OTMlari grandlari jamlanmasi
Ushbu sayt orqali siz dunyo oliy o‘quv yurtlari va ulardagi grand o‘rinlarini bilib olishingiz mumkin. Nafaqat bakalavr grandlari balki, magistratura uchun chet elga ketish niyatida bo‘lgan talabalar uchun ham grand o‘rinlari ro‘yxatini topsangiz bo‘ladi. Garntlar butun dunyodan va barcha sohalarda (grantlar.uz)
Canva – Eng qulay vizual dastur
Talabalar canva dasturi orqali, slayd yaratish, ish qog‘ozlarining tayyor shablonini topish va tayyor visual kontentlar tayyorlashlari mumkin. Bundan tashqari saytning o‘zi hamda tayyor ilovasi yordamida Ijtimoiy tarmoqlardagi sahifangiz uchun storis, post va turli materiallar tayyorlasangiz bo‘ladi. https://www.canva.com/ru_ru/
Ilove.pdf – Fayllar bilan oson ishlash
Ushbu sayt fayllar bilan ishlashdagi eng qulay va foydalilaridan biri. Sayt yordamida PDF fayllarni birlashtirish, ajrashtirish, yuqori megabaytli PDF fayllarni Wordga aylantirish, PDF faylni Word faylga va hattoki Powerpointni PDFga o‘zgartirish mumkin. https://www.ilovepdf.com/ru
Bexatobot.uz – Kirill yozuvini lotinchaga oson o‘girish
Ushbu bot orqali siz krill yozuvini lotin yozuviga, lotin yozuvidan krill yozuviga o‘girish imkonini beradi. Bot orqali siz matnni o‘zgartirishga ketadigan vaqtingizni ikki barobarga qisqartira olasiz. Telegram orqali botdan foydalanishingiz mumkin.
Student.com – Xorijiy TTJlar ro‘yxati
Xalqaro talabalar uchun juda ham foydali saytlardan bittasidir. Ushbu sayt orqali siz universitetingiz yaqinidagi hamyonbop turar-joy larni topishingiz uchun yordamga keladi. Sayt orqali yuzlab xorij shaharlaridagi turar-joylarni topish mumkin, eng asosiysi saytdan foydalanish mutlaqo bepul. https://www.student.com/
Bachelorstudies – Chet el OTMlari haqida to‘liq ma’lumot
Ushbu veb-sayt mamlakatlar, til, kontrakt narxi, vaqt borasidagi tanlovingizga asoslanib sizga mos bakalavr kurslarini topib beradi. Shuningdek, yangi qo‘shilgan kurslar va eng ommabop yo‘nalishlar ro‘yxatini ham tanlay olasiz. https://www.bachelorstudies.com/
Matn.uz – Oson tahrirchi
Ushbu sayt talabalar uchun kurs va bitiruv malakaviy diplom ishining xatolarini tekshirish va tahrir qilish jarayonlarida ancha yordam beradi. Foydalanish uchun https://matn.uz/ link ustiga bossangiz kifoya.
Bulardan tashqari,
- DataCamp — ma’lumotlar haqida darslar va kurslar jamlanmasi.
- DataQuest — ma’lumotlar haqida interaktiv usulda o‘rganish.
- DataMonkey — o‘yinlar orqali ma’lumotlar tahlilini o‘rganish.
kabi foydali saytlarni bilib qo‘yish o‘zingiz uchun faqatgina plus tarafga xizmat qiladi. “Avlod Media” talabalarning bilim o‘rganishini osonlashtirish uchun har doim eng yaxshi yo‘nalishlarni ko‘rsatib boradi. Agar ulardan siz oz bo‘lsada o‘zingiz uchun foyda olsangiz biz maqsadimizga erishgan bo‘lamiz.