Ko‘pchilik talabalar radio yoki musiqa tinglashdan ko‘ra podkast eshitishni afzal ko‘radi. Ularning aksariyati buning sababini muayyan bir mavzuga doir, qulay va birmuncha foydali deya izohlaydi. Umuman olgan zamonaviy media olamda podkastlar va ularning tinglovchilari talaygina. Ayniqsa, xorijiy til o‘rganuvchilar odatiydan ko‘proq podkast eshitishadi. Chunki, inson miyasi ko‘rish va eshitish orqali ma’lumotlarni ancha sifatli va uzoq muddatga qabul qiladi.
Podkastlarni tinglash bir qator afzalliklarga ega, ulardan eng yaxshilarini sanab o‘tamiz:
1. Qulaylik: Podkastlarni istalgan vaqtda va istalgan joyda tinglashingiz mumkin – sayohat, jismoniy mashqlar yoki uy yumushlarini bajarayotganda;
2. Mavzular xilma-xilligi: Tinglovchilarga o’z qiziqishlariga mos keladigan kontentni topish imkonini beruvchi turli mavzulardagi juda ko’p podkastlar mavjud;
3. Ma’lumotlarning mavjudligi: Podkastlar ko’pincha trend mavzulari, ekspertlar bilan suhbatlar va muhokamalar bo’yicha qator istiqboli takliflarni beradi;
4. Ta’lim: Ko’plab podkastlar turli sohalarda bilimlarni o’rgatish va tarqatish maqsadida yaratilgan bo’lib, bu tinglovchilarning dunyoqarashini kengaytirishga yordam beradi.
5. Hamjamiyat: Podkastlar umumiy bir xil manfaatli odamlarni birlashtirib, muhokama qilish va o’zaro muloqot qilish imkoniyatini yaratadi;
6. Shaxsiy rivojlanish: Ko’pgina podkastlar o’z-o’zini rivojlantirish, motivatsiya va hayotiy ko’nikmalarni yaxshilashga qaratilgan.
7. Vaqtni tejash: Kitoblar yoki maqolalarni o’qishdan farqli o’laroq, podkastlar audio formatda ma’lumot olish imkonini beradi, bu esa vaqtni tejaydi.
8. Tinglash qobiliyatini rivojlantirish: Podkastlarni muntazam tinglash, eshitish qobiliyatingizni yaxshilashga yordam beradi va tanqidiy fikrlashni rivojlantiradi. Tadqiqotlarga ko‘ra, respondentlarning 60 foizi podkastlarni haftada bir necha marta, 22 foizi har kuni, 16 foizi esa oyiga bir marta tinglaydi. Ko’pchilik odamlar (41%) kuniga 30 daqiqadan 1 soatgacha, 31% 10 dan 30 daqiqagacha va 19% 1 dan 3 soatgacha vaqt sarflaydi. Bu ko‘rsatkichlar yaqin kelajakda yanada ko‘tarilish ehtimoli yuqori. Aynan podkast eshitish insonni kitob o‘qishdan ko‘ra osonroq, negaki siz qulog‘ingiz orqali eshitsangiz, ko‘z orqali ma’lumot qabul qilishdan ko‘ra kamroq energiya sarflaysiz.