8-mart – xalqaro ayollar kuni! Gullar, tabriklar, shirin sovg‘alar… Lekin siz bu kun haqida qanchalik ko‘p bilasiz? Quyidagi qiziqarli faktlarni bilmasdan turib 8-martni nishonlamang!
1. 8-mart qanday boshlangan?
Aksariyat odamlar bu kunni faqat ayollarga bag‘ishlangan bayram deb o‘ylashadi, lekin aslida u ayollarning huquqlari uchun kurash tarixi bilan bog‘liq. 1908-yilda AQShning Nyu-York shahrida 15 ming ayol ish haqi va mehnat sharoitlarini yaxshilash talabini qo‘yib namoyishga chiqqan. Aynan shu voqea keyinchalik 8-martning xalqaro bayram sifatida belgilanishiga turtki bo‘ldi.
2. 8-mart har doim bayram bo‘lganmi?
Yo‘q! Dastlab, bu kun ayollarning teng huquqlari uchun kurash kuni sifatida nishonlangan. Faqat keyinchalik u ko‘proq bayram tusini oldi va gullar, shirinliklar, tabriklar an’anasiga aylandi.
3. 8-martni har bir davlat o‘ziga xos tarzda nishonlaydi
Ba’zi mamlakatlarda bu kun rasmiy dam olish kuni bo‘lsa, boshqalarida esa odatiy ish kuni. Masalan:
O‘zbekistonda ayollar va onalar qadrlanadi, ularga e’tibor va sovg‘alar beriladi.
Italiyada ayollar do‘stlari bilan yig‘ilib, «Mimosa» guli sovg‘a qilishadi.
Rossiyada erkaklar ayollar uchun shirinliklar va gullar tayyorlashadi.
Vetnamda 8-mart va 20-oktyabr ham ayollar kuni sifatida nishonlanadi!
4. Ayollar kunduzi ko‘proq gaplashadi!
Tadqiqotlarga ko‘ra, ayollar erkaklarga qaraganda kuniga o‘rtacha 13 ming so‘z ko‘proq gapirarkan! Shuning uchun ham 8-martda tabriklarni qisqa qilish yaxshi fikr emas.
5. Gullar ayollarni ko`proq baxtli qiladi
Ilmiy tadqiqotlar shuni ko‘rsatdiki, gul olgan ayollarning kayfiyati 3-4 kunga ko‘tarilib turarkan! Demak, 8-martda gul berish bejiz an’ana bo‘lib qolmagan.
6. Ayollar dunyoni o‘zgartirgan!
Dunyo tarixida ko‘plab buyuk ayollar bor:
Marie Curie – ikki marta Nobel mukofoti olgan birinchi olima.
Amelia Earhart – Atlantika okeanini yolg‘iz kesib o‘tgan birinchi ayol uchuvchi.
Valentina Tereshkova – kosmosga uchgan birinchi ayol.
7. 8-mart erkaklarga ham tegishli!
Ha, noto‘g‘ri o‘qimadingiz! Chunki bu kun ayollarga hurmat, ehtirom va minnatdorchilik bildirish kuni. Bu esa erkaklarning ham ishtirokini talab qiladi!
Xulosa qilib aytganda, 8-mart – shunchaki gul va shirinlik kuni emas, balki ayollar tarixda qanday ulkan o‘rin tutganini esga olish kuni hamdir. Shu sababli, bu bayramni shunchaki nishonlash emas, balki uning mazmunini tushunish muhim!
Shunday ekan, bu qiziqarli faktlarni do‘stlaringiz bilan bo‘lishing va bayramni chin dildan nishonlang!
Zeboxon Avazbek qizi