Ijtimoiy tarmoqlarda noma’lum fuqaro ayollarning tashqi qiyofasini tanqid qilgan va paranji kiyishga da’vat qilgan videolar tarqaldi.
Ma’lum bo’lishicha, qiz 2003 yilda tug’ilgan poytaxt universitetlaridan birining talabasi bo’lgan. U ushbu videoni diniy qarashlari va internetda o’qigan ma’lumotlariga asoslanib yozgan.
Shuningdek, u uyda paranji tikish va sotish bilan shug’ullangani aniqlangan.
Shu sabablarga asoslanib fuqaroga nisbatan protokol tuzildi. Unga bazaviy hisoblash miqdorining 50 baravari (15 000 000 so’m) miqdorida jarima solindi.