Toshkent davlat iqtisodiyot universiteti 90 yoshda!
Joriy yilning 23-noyabr kuni Toshkent davlat iqtisodiyot universiteti (TDIU) o‘zining 90 yillik yubileyini nishonladi va ushbu muhim kun munosabati bilan universitet rahbariyati talabalar bilan birgalikda bir qator tadbirlar o‘tkazdi.
Faol talabalar galereyasi Xalqaro turizm fakulteti ishtirokida tashkil etilgan «TDIU hayoti va rivojlanishida “ITF Group”ning ahamiyati» mavzusiga bagʻishlangan konferensiya bilan ochildi.
Keyingi kunda Oliy Majlis Qonunchilik palatasi deputati, avvalroq TDIU rektori lavozimida faoliyat yuritgan professor Nodir Xosiyatovich Jumaev homiyligida «90 kitob» aksiyasi bo‘lib o‘tdi. Universitetning Axborot resurs markaziga 90 dan ortiq kitob sovg‘a qilindi.
Bundan soʻng «Bank ishi va investitsiyalar» kafedrasi xodimlari kafedrada uzoq yillar davomida ishlab, yaqinda nafaqaga chiqqan Nurxon Vadutovna Bahodirova xonadoniga tashrif buyurishdi. Mazmuni suhbat davomida o‘zaro fikr almashildi, ta’lim tizimidagi muammolarni hal etish yo‘llari muhokama qilindi.
Yana bir oʻziga xos tadbir universitetning ilk bitiruvchilari bilan uchrashuv bo‘ldi. «Moliya va buxgalteriya hisobi» fakultetida «Ikki avlod uchrashuvi» mavzusida davra suhbati tashkil etilib, unda bitirib ketgan talabalar hozirgi yoshlar bilan o‘z tajribalarini o‘rtoqlashdilar.
Yubiley doirasida O‘zbekiston Respublikasi Qishloq xo‘jaligi vaziri Jamshid Xo‘jayev «Kecha va bugun» mavzusida talabalar bilan ochiq muloqot o‘tkazdi.
Joriy yilning 25-noyabr kuni TDIU hududida universitetning 90 yilligi nishonlandi. Maʼmuriyat va talabalar ishtirokida tanlovlar va diskoteka bilan chinakam bayram oʻtkazildi.