16-dekabrdan 10-yanvargacha parkda Yangi yil namoyishlari boʻlib oʻtadi.
Magic City parki oʻz mehmonlari uchun tayyorlagan bayram dasturi doirasida 16-dekabr kuni sehrli archaning tantanali ochilishi boʻlib oʻtdi.
Tashkilotchilar bayram kunlari davomida iliq Yangi yil kayfiyati va quvnoq tadbirlarni taklif etmoqda:
• 16-dekabrdan 10-yanvargacha 18:00 – 19:00da Registon maydonida tashrif buyuruvchilarni Yangi yil ertagi kutmoqda.
• 20-dekabrdan 10-yanvargacha esa 19:30 – 20:30da Amfiteatrda lazer shou hamda 21:00 – 21:40da ertaknamo parad oʻtkaziladi.
Shuningdek, Magic Park atraksionlar parki hududida Yangi yil uchun orzu va tilaklari yozilgan xatni yuborish uchun pochta qutisi oʻrnatildi. Xatda ism, familiya va telefon raqamini koʻrsatish kerak. Qor bobo Sizning tilagingizni bajarishiga ishonamiz.
Parkka kirish bepul.